प्रकाश टन्डन (गुल्मी)
श्री नवदुर्गा कृषि सहकारी संस्था लिमिटेड गुल्मी दरबार ३ गौडाकोटको आयोजनामा नेपाल सरकार युवा तथा खेलकुद मन्त्रालयको युवा तथा साना ब्यवसायी स्वरोजगार कोषद्वारा ६० प्रतिशत ब्याज अनुदान बितरण कार्यक्रम सम्पन्न गरेको छ । यहि असार ८ गते सम्चालन भएको कार्यक्रममा सभाध्यक्ष प्रेम बहादुर घिमिरे प्रमुख अतिथी गुल्मी दरबार गाउपालिका उपाध्यक्ष तारा थापा , विशेष अतिथी गुल्मी दरबार गाउपालिका वडा नम्बर ३ का वडा अध्यक्ष राम बहादुर थापा अतिथिहरुमा युवा तथा साना ब्यवसायी स्वरोजगार संयोजक जीवन ज्ञवाली ,खुम बहादुर पल्ली , लक्ष्मी भुसाल , ठग बहादुर कार्की लगायतको सहभागिता रहेको थियो भने स्वागत मन्तव्य मार्फत उपस्थितलाई लिला थापाले स्वागत गर्नुभएको थियो ।
कार्यक्रम प्रमुख अतिथी तारा थापाले किसानको हक हितका लागि सदैव काम गर्ने र किसानको आवाज बुलन्द पार्ने साथै श्री नवदुर्गा सहकारी संस्थाले पनि किसानलाई प्राथमिकता राखेर आगमी दिनमा काम गर्ने बताउनुभएको थियो । त्यस्तै गुल्मी दरबार गाउपालिका वडा नम्बर ३ का वडाअध्यक्ष राम बहादुर थापाले किसानको हक हितको लागि विशेष प्राथमिकता दिएर काम गर्ने बताउनुभएको थियो । युवा तथा साना ब्यवसायी स्वरोजगार असुली सहजकर्ता जीवन ज्ञवालीले नवदुर्गा सहकारी सस्था लिमिटेड बाट ३५ लाख लगानी गरि ३८ जना ब्यवसायीहरुलाई ३,४७४३०.९९ बराबरको रकम किसानहरुलाइ ब्याज अनुदान दिएको बताउनुभएको छ । यो कार्यक्रम गुल्मी दरबार गाउपालिकामै पहिलो कार्यक्रम रहेको र किसानलाई लक्षीत गरि आगामी दिनमा पनि विभिन्न कार्यक्रम सन्चालन गर्ने समेत ज्ञवालीले बताउनुभएको छ ।
कार्यक्रममा सहभागी किसानहरुले श्री नव दुर्गा कृषि सहकारी संस्था लिमिटेड बाट कर्जा लगेर कृषिमा लगानी गरि राम्रो आम्दानी गरेर कर्जा तिर्न सहज भएको र ब्याज अनुदान कार्यक्रमले आगामी दिनमा कृषि गर्न हौसला मिलेको किसानहरुले बताएका छन ।युवा तथा खेल्कुद मन्त्रालयको युवा तथा साना ब्यवसायी स्वरोजगार कोष र श्री नव दुर्गा कृषि सहकारी संस्था लिमिटेडले किसानलाइ जिबिका चलाउन सहयोग गरेकोमा सहभागीले धन्यवाद दिएका छन । कार्यक्रम सन्चालन नवीन कुमार रजालीले गरेका थिए ।
Be the first to comment